Bonvenon al PRO BAHN

PRO BAHN estas asocio komunutila (ne-profitcela), kiu defendas la interesojn de la uzantoj de publika trafiko en Germanio. Ĝi estis fondita en 1981 kaj nun havas proksimume 4000 membrojn.

Interalie PRO BAHN

• batalas por pli favora pozicio de la publika trafiko rilate al la individua (kreado de tutlanda integra sistemo ampleksanta la urban kaj interurban trafikojn, enkalkuligo de la sociaj kostoj de vivmedia detruo kaŭzita de la diversaj transportiloj);
• informas pri specialaj tariferoj, novaj servoj, plibonigoj de vojaĝkondiĉoj ktp.
• organizas vojaĝojn kaj ekskursojn per publikaj transportiloj;
• negocas kun politikaj aŭtoritatuloj kaj responsuloj pri loka trafiko cele plibonigon de la servoj de publika transportado.

Por homoj vivantaj malproksime de Germanio eble la plej interesa paĝo (verkita en la Germana) estas listo de ret-adresoj, kiu donas aliron al horaroj kaj tarifoj. Sur tiu paĝo troviĝas krome informoj pri diversaj Eŭropaj landoj, kaj regionaj informoj pri Germanio. Ĉi-okaze enkludiĝas informoj pri aŭtobusoj, tramoj kaj metrooj.

Krome aperas helik-poŝtaj adresoj de transportaj entreprenoj kaj de diversaj kompanioj, kiuj rilatas al la sektoro de publika transportado.